السلام عليكم: أنا عرفت أن الأستاذة التربوية /هالة عبد الرازق أنشأت مدرسة مخصوص لتدريس المناهج المصرية العربي واللغات للمصريين بالخارج واللي هيمتحنوا بالسفارات والمفروض انها تشتغل في نص سبتمبر ان شاء الله حسب كلامهم. بصراحة أنا كنت متخوف من موضوع التعليم عن بعد مع انه نظام ناجح جدا في كل العالم حتي مع السن الصغير لكن حفزني جدا حاجتين..أولا أن هيدرس الولاد مدرسين تربويين من مصر مختارين بعناية فائقة وخبرتهم مناسبة لهذا النوع من التدريس.. وثانيا اني شوفت ديمو للبرنامج اللي هيدرسوا عليه ولقيته اقوي من برنامج جامعة الملك عندنا وبيضمن كل انواع التواصل بين المدرس والطالب في الأتجاهين لدرجة ان المدرس ممكن يكتب للطالب بخط ايده علي الوايت بورد.كمان بيسمح باستخدام الأساليب الحديثة في التدريس زي الفيديو والباور بوين والأنترنت.وداخله برنامج تاني اسمه مانهاتن للتواصل بعد وقت المدرسة بين المدرس والمدرسة والطالب وولي الأمر.ولسه معرفش الرسوم كام بس بيقولوا تقريبا هتكون في السعودية للأعدادي 300 ريال في الشهر للطالب في كل المواد وانها هتبدأ من بعد العصر عشان اللي منتظم في مدرسة ومحتاج تقوية . أنا هجرب وهقولكم علي النتيجة مع أني عارف ان الموضوع لازم له تدريب للأولاد الفترة الأولي عشان يقدروا يستفيدوا من كامل قوة البرنامج ويتفاعلوا مع المدرس بكل طاقتهم لكني متفائل خير جدا من النظام اللي شوفته عندهم وان البرنامج ما اختش اكتر من نص ساعة علي ما فهمت ازاي يشتغل بالكامل