انا مصري كنت مقيم في حائل لحد شهر 10 اللي فات وعندي مشكلة كبيرة ومحتاج شخص شهم ينجدني
انا قبل سفري قررت اشحن الاجهزة الكهربائية وكراتين وشنط فيها حاجتي لمصر مع واحد شهرته ابو اشرف كل المصريين في حايل كانوا بيبعتوا معاه وانا بعتت معاه مرة حاجة للاهل ووصلها عادي واديته قلوسه وكله تمام على اساس هينزل بعد اسبوعين شهر لما يتأخر
عدى شهر واتنين وتلاته وماجاب الحاجة اتصل بيه اصحابي اللي في حايل قالهم كفيله مش راضي يخرج له وتعالو خدوا حاجتكم
اتنين من اصحابي راحوا اخدوا فلوس الشحن على اساس يودوها لشركة او شخص تاني لكن اللي اخد الفلوس اكلها واترحل وماشفت وشه ولا شفت الفلوس
مش مهم عوضي على الله في الفلوس
قلت لاصحابي يلموا من بعض ويبعتولي الحاجة وانا اوصل الفلوس لاهلهم هنا اومش مهم مايلموش من بعض يروحوا بس ياخدوا الحاجة من الراجل يخلوها عندهم لحد ماابعتلهم فلوس تاني يبعتولي بيها الحاجة قالوا ماشي وعدى شهر واكتر وبرضه مابعتوا الحاجة
اتصلت اسألهم على الحاجة قالوا ابو اشرف ده قافل تليفونه بقاله شهر ومش عارفين فينه سألتهم طيب حد راح سأل في بيته قالوا لأ !!بس قالوا نسأل راحوا سألوا البقال وللا المطعم اللي قدامه قالهم كان موجود لحد 3 او4 ايام فاتوا قالوله لما تشوفه اتصل بينا نيجي نكلمه قال ماشي وماحصلش حاجة من وقتها
اتصلت طلبت منهم يروحوا يسألوا كفيله عنه او عن الحاجه او يجيبوا منه تليفون تاني ليه او يعرفوا اسمه الكامل او عنوانه في مصر او يروحوا المستودع اللي كانوا شافوا الحاجه فيه لما راحوا ياخدوا الفلوس يطلبوا فتحه ولو الحاجه فيه ياخدوها او يتصلوا بالشرطة تيجي تفتحه او حتى يجيبولي اسم كفيله بقالي شهور ببعتلهم يوميا ولحد دلوقت ماعملوا اي حاجه مع اني وربنا شاهد ومحدش فيهم يقدر ينكر طول عمري جدع معاهم وعمري مااتأخرت على حد منهم في حاجة
ابو اشرف ده ساكن في بيت كفيله والبيت ورا استاد حايل قدام مطعم الطائي
الحاجات تعمل مبلغ كبير جدا غير ان فيها حاجات معرفش اجيبها منين تاني وحاجات ليها تقدير نفسي وذكريات خاصة معانا
انا مش بطلب فلوس ياعالم انا بطلب بس شهامه وجدعنه حد يحط نفسه مكاني ويدور ع الحاجة كانها حاجته يروح ويسأل ويجيبلي اي معلومة ممكن تساعدني
ده رقم تليفوني الحالي0189828144 وربنا يفك كربه ويجزيه خير اللي يساعدني
الجمعة يوليو 29, 2011 4:04 pm
